خالد الصاوي بعد تجسيد دور سامح عبد العزيز: بنته دايمًا بتجمعنا
تحدث النجم خالد الصاوي عن تجربته في فيلم «وجع الفراق»، والذي جسد فيه دور المخرج الراحل سامح عبد العزيز، حيث عرض في مهرجان القاهرة السينمائي الدولي في دورته الـ 46 من إخراج ابنة سامح عبد العزيز جميلة.
خالد الصاوي
وقال خالد الصاوي، على هامش عرض الفيلم في المهرجان:«سامح صديق عمر وواجب عليا أنى أشارك فى فيلم وجع الفراق»، مضيفًا:«أنا وسامح أصحاب كنا فى معهد واحد وسامح كان محب للحياة والفن والضحك والشجن ويفهم كويس فى المزيكا والايقاع وكان دائما بيجمعنا و دلوقتى جميلة بتجمعنا وبشكر كمان النجم حسين فهمى أنه دائما بيجمعنا وأنه عرض الفيلم فى مهرجان القاهرة السينمائى».
وأهدت جميلة، ابنة المخرج سامح عبد العزيز فيلمها الأول لوالدها، وتركت رسالة في نهاية الفيلم قالت فيها:«إهداء إلى أبي سامح عبد العزيز كان نفسي تكون معايا في أول عمل ليا في حياتي.. يارب تكون فخور بيا، ووعد إن اسمك هيفضل عايش طول ما أنا عايشة بحبك من كل قلبي وزي ما بيقولوا اللي خلف مامتش».
وأقامت إدارة مهرجان القاهرة السينمائي الدولي بالمسرح المكشوف بدار الأوبرا المصرية، حفل تأبين للمخرج الراحل سامح عبد العزيز، الذي فارق الحياة في يوليو الماضي، بعد أزمة صحية مفاجئة عن عمر ناهز 49 عامًا.
وجع الفراق
وجاء في حفل التأبين، عرض فيلم «وجع الفراق» لابنته وبطولة الفنان خالد الصاوي ومريم المهدي، ومدته 10 دقائق، مع فقرة نقاشية للحديث عن المخرج الراحل.
كشفت جميلة سامح عبد العزيز كواليس فيلمها الأول «وجع الفراق»، الذي عبرت فيه عن اشتياقها لوالدها الراحل، والذي تم عرضه في مهرجان القاهرة السينمائي الدولي في دورته الـ 46، خلال حفل تأبين للمخرج سامح عبد العزيز نظمته إدارة المهرجان.
وقالت جميلة في تصريحات على هامش الاحتفالية:«لما بابا تعب ودخل المستشفى كنت معاه أوي وبحاول أكون قوية طول الوقت عشان ميحسش إنه ضعيف».
وتابعت جميلة قائلة:«لما بابا أتوفى كنت متأثرة جدا ومكنتش عارفة اخرج من الإحساس دا، وبعد وفاته بيوم لقيتني بكتب عشان اعبر عن إحساسي بفقده، ووريته لخالي وأخواتي وماما وانبهروا بيه كلهم كانوا عايزين يعملوه عشاني أنا ودا كان بالنسبة لي حاجة كبيرة، مش عارفة اشكرهم إزاي، دا هيفضل اكتر فيلم مهم بالنسبالي وبشكر كل اللي الناس اللي ساعدتني ».