الرئيس السيسي: «هي كلمتين بس.. بكام؟ ومنين؟».. تحديات الدولة المصرية وتداعيات 2011
تحدث الرئيس عبد الفتاح السيسي، خلال جلسة حوارية بمنتدى مصر 2026، عن التحديات التي تواجه الدولة المصرية في مختلف القطاعات، مؤكدًا أن الأمر لا يتعلق بالكهرباء وحدها، وإنما يمتد إلى ملفات التعليم والصحة والبنية الأساسية والطاقة وتوجيه الاستثمارات.
وقال الرئيس السيسي: «ولا كهربا ولا حاجة.. أصل هو الموضوع كله على بعضه، الموضوع كله في كل التحديات اللي بتقابل الدولة المصرية في قطاع التعليم والصحة والبنية الأساسية والطاقة وتوجه الاستثمارات وأي حاجة بتفكروا فيها».
«هي كلمتين بس.. بكام؟ ومنين؟».. السيسي يوضح أولويات الإنفاق
وأوضح الرئيس السيسي أن التعامل مع احتياجات الدولة يتطلب تحديد المطلوب وتكلفته ومصادر تمويله، مشبهًا ذلك بما يحدث داخل الأسرة عند طلب أحد الأبناء شيئًا من والده، حيث يحدد الأب ما إذا كانت الإمكانات تسمح بتلبية الطلب أم تستدعي الانتظار.
وقال الرئيس: «هي كلمتين بس بكام؟ ومنين؟ زي أي بيت. مش أنتم في البيوت عندكم، لما يجي حد من الـ، من أبنائك يطلب منك حاجة تقول له اللي أنت عايزه. طب كام؟ إذا كان متاح بتجيبه، مش متاح بتقول له اصبر عليا شوية».
السيسي: «مطلوب لدولة زي مصر إيه؟ اصبر عليا شوية»
وأشار الرئيس السيسي إلى أن الدولة المصرية لديها احتياجات متعددة، وأن تنفيذ المشروعات وتلبية المطالب يرتبطان بالإمكانات المتاحة والموارد اللازمة، مؤكدًا أهمية الصبر في التعامل مع متطلبات المرحلة.
وقال: «يا إخوان مطلوب لدولة زي مصر إيه؟ اصبر عليا شوية، مش عليا أنا، عليها لأن هي ماشية على الطريق».
الرئيس السيسي يتحدث عن تداعيات أحداث 2011
وفي سياق حديثه عن التحديات التي تواجه الدولة، تطرق الرئيس السيسي إلى أحداث عام 2011، مشيرًا إلى ما اعتبره آثارًا وتكاليف لا تزال مصر تتحملها حتى الآن.
وقال الرئيس: «طب كل ده ليه؟ عشان أفكركم في 2011 لما خدتواها، كسرتوها، التمن لغاية دلوقتي».
«والله العظيم أنا ما بخوفكم خالص».. السيسي يؤكد ارتفاع معنوياته
وأكد الرئيس السيسي أن حديثه عن التحديات التي تواجه مصر لا يستهدف تخويف المواطنين، مشيرًا إلى أن معنوياته مرتفعة رغم ما عرضه من صعوبات وتحديات.
وقال: «والله العظيم أنا ما بخوفكم خالص. وأنا معنوياتي في السما جدًا وأنا بقول لكم كده».
السيسي: «ربنا رغم كل اللي إحنا بنحكي فيه ده خلاها بالمستوى اللي أنتم شايفينه ده»
وتحدث الرئيس السيسي عن السنوات الماضية، معتبرًا أن ما شهدته مصر خلالها، رغم التحديات، يعكس نعم الله على البلاد، مؤكدًا أهمية تذكر هذه النعم وشكر الله عليها.
وقال الرئيس: «ليه؟ لأن ده بيأكد لنا إن الـ 14 أو الـ 12 سنة اللي فاتوا كان في إيد كريمة محطة بها على مصر. ونعم الله».
وأضاف: «كان في إيد كريمة. ربنا رغم كل اللي إحنا بنحكي فيه ده خلاها بالمستوى اللي أنتم شايفينه ده. مين؟ ربنا.. فلازم أذكره وأشكره».
واختتم الرئيس حديثه بالتأكيد على ضرورة الإقرار بنعم الله وشكره عليها، في ظل ما تواجهه الدولة المصرية من تحديات في مختلف القطاعات.