إيمي طلعت زكريا: ليس هناك نية لتقديم عمل فني عن حياة والدي

تصدر الفنان طلعت زكريا على مؤشر البحث جوجل خلال الساعات الماضية عقب ظهور إبنته إيمي طلعت زكريا في إحدى البرامج التلفزيونية والتي أكدت أن والدها توفي وهو مديون بمبلغ 100 ألف جنية لصالح الضرائب وطلبت من فنان صديق له سداد المبلغ ولكنه رفض وأبدى رد فعل صادم.

عمل فني عن طلعت زكريا

وقالت إيمي طلعت زكريا، في تصريح خاص لـ "إيجبتك"، أنه ليس هناك أي نية لتقديم عمل فني عن حياة والدها سواء في السينما أو الدراما، مردفة أنها دائماً ما تجتمع مع هنا الزاهد وشقيقتها فرح في المناسابات الخاصة أو العامة ولا توجد بينهن خلافات حسبما أشيع من قبل.

وقالت إيمي طلعت زكريا في تصريحات خاصة سابقة لـ "إيجبتك"،: "ربنا يرحم والدي ودايما بفتكره بالحلو اللي عمله معانا هو كان أب بمعنى الكلمة ودايماً كان بيضحى علشان خاطر أولاده وأنا وهنا وفرح وعمر دايماً بنكون متجمعين مع بعض ونتكلم عن الحاجات اللي كان بيقدمها لينا علشان نكون مبسوطين في حياتنا".

أحمد فهمي وإيمي طلعت زكريا

وفي سياق متصل قالت الفنانة إيمي طلعت زكريا، أن الفنان أحمد فهمي، لعب دورا كبيرا، في إنهاء أزمة مالية مع الضرائب، تخص والدها الفنان الراحل طلعت زكريا.

إيمي طلعت زكريا

وتابعت: " ماحدش وقف جنبنا من الناحية المادية بعد وفاة بابا، بابا الحمد لله سايب لنا اللي يكفينا زي أي أب، لكن الناس عندها فكرة إن الممثل معاه فلوس كتير، بس طبعًا بابا علشان فترة المرض اللي مر بيها كان في صرف وشوية مشاكل في الضرائب".

ديون طلعت زكريا بمبلغ 100 ألف جنية

وأضافت: "بعد ما توفى على طول كان في مبلغ عليه في الضرايب حوالي 100 ألف جنيه، وقلت لعمر يكلم نجم كبير وشهير كان صاحب عمر بابا واشتغل معاه كتير، والنجم قال لعمر والله أنا عليَّ ديون، ورد فعله كان صادم".

إيمي طلعت زكريا تتحدث عن والدها

وأوضحت إيمي :"احنا ما كناش عايزين ناخد منه شفقة، إحنا عايزين بس عايزينها سلف، نسد الدين للضرايب، عشان المتوفى مش بيتحاسب تقريبا لغاية الدين ما يتسدد".

وعن طريقة سداد المبلغ قالت: "شهادة حق أشهدها الفنان أحمد فهمي هو اللي دفعهم ومقالش، وعرفنا بعد كده ومرضيش ياخدهم، وأحمد فهمي بجد من الناس الطيبة و أثبت حبه لبابا"