الناس لعبت في «ودنك».. حلمى عبد الباقى يهاجم مصطفى كامل
بعد صداقة امتدت لسنوات، تدهورت العلاقة بشكل لافت بين الفنان حلمي عبد الباقي، والفنان مصطفى كامل، بعد انتشار مقطع صوتي منسوب لرئيس نقابة الموسيقيين، اعتبرها عبد الباقى مسيئة له.
حلمي عبد الباقي
ردا على حديث مصطفى كامل، خرج عبد الباقي فى بث مباشر عبر صفحته على فيس بوك قائلًا: “ فوجئت بتسجيل صوتي بتهان فيه وبتشتم بكلام جارح وصعب يتقال عليا لأني كنت واقف معاك في الانتخابات ولفّيت بيك مصر كلها، لكن ناس دخلت ودنك وقالولك إن حلمي بيخدم الناس عشان عايز يبقى نقيب، وإنت للأسف صدّقت”.
وأضاف، :" طوال سنوات خدمتى في النقابة لم أتراجع عن مساعدة أي عضو، من أيام النقيب السابق هاني شاكر كنت ماسك لجنة الخدمات، وأيام كورونا كنت بنزل أسلّم الجوابات للناس عند بيوتها، وعملت بروتوكولات مع المستشفيات لخدمة الأعضاء ومقصرتش مع حد أبدا موضحًا: أي حد بيعترض على حاجة يبقى بيزايد وبيتآمر.. فيه ناس عايزة تهد النقابة.