«الأوقاف» تحذر من بيع الضمائر بتسهيل الرشوة: «وزر مش رزق»| إنفوجراف
حذّرت وزارة الأوقاف، من التعامل بـ الرشوة أو قبولها، وأنها لا تعتبر رزقًا للإنسان المسلم بل هي وزر عليه وأموال حرام تدخل بيته.
وقالت وزارة الأوقاف، في منشور على صفحتها الرسمية على «فيس بوك»: «اللي بيروّح بيته بفلوس رشوة.. بيروّح بفلوس حرام! مش كل جنيه دخل جيبك اسمه رزق... لو جالك بطريق حرام، يبقى اسمه وزر مش رزق».
اقرأ أيضا
تابعت: «اللي بياخد رشوة علشان يسهّل مصلحة أو يعدّي ورق، بيبيع ضميره وبيظلم غيره، وبيفتح باب الفساد بإيده، حتى لو لبس بدلة شيك وقعد ورا مكتب كبير».
وأضافت: «الرشوة شكلها مغري، فلوس سهلة، وكلام حلو، وشكر من اللي طلب الخدمة، لكن جواها سمّ، بياكل البركة، ويقلب حياتك نكد حتى لو الفلوس كتير».
