عمر كمال يطرح أغنية «اتغيرتي ومشيتي» من ألبومه الجديد| فيديو
طرح المطرب عمر كمال، أغنية اتغيرتي ومشيتي عبر قناته الرسمية بموقع الفيديوهات العالية الشهير بـ يوتيوب، وهي من كلمات مروان السداوي، ألحان مروان السداوي، توزيع وميكس وماستر وسام عبد المنعم، جيتار شريف فهمي.
كلمات أغنية اتغيرتي ومشيتي
وتقول كلمات أغنية اتغيرتي ومشيتي: مش فارقلى مشيتي إزاي النتيجه إنك مشيتى.. عشت بعدك حبه تايه بعدين نسيتك زى ما نسيتى مفيش مجال عتاب بنا الف سور و باب بلاش تفتح في القديم مش هتقدر على الحساب اتغيرتى و مشيتى سيبتينى راجعه ليه شكل الدنيا جت عليكى اصل الندمان بيبان عليه آه اتغيرتى ومشيتى سيبتينى راجعه ليه شكل الدنيا جت عليكى اصل الندمان بيبان عليه مش فارقلى مين إلى سايب الى استغنى وكمل اقوى رجعت عشان مليش بدايل وبعد منى الدنيا قسوه خدت لفه في إللى فات و راجعت الذكريات لقيت دلوقتي إللى أنا فيه كان نفسى اعيشو من زمان.
على جانب آخر رد المطرب عمر كمال على الهجوم الذي تعرض له بعد الكشف عن صُناع ألبومه الجديد ومنهم الفنان رامي جمال، والشاعر تامر حسين، والملحن عزيز الشافعي، ومدين، وغيرهم.
رسالة عمر كمال لـ محمد فؤاد
وعلق عمر كمال في برنامج ET بالعربي: كنت محظوظ أني تعاونت مع ناس لها اسمها ونجاحها الكبير، زي تامر حسين وعزيز الشافعي ومدين ومصطفى العسال وتوما ورامي جمال، ناس كتير جدًا الحمد لله ربنا كرمني وحققت حلمي أني اشتغلت معاهم.
وأضاف: لما نشرت صوري مع صناع ألبومي الجديد زي رامي جمال وعزيز الشافعي ونادر حمدي، الناس قالت سقطة في تاريخهم، ليه مش أنا بني آدم ومن حقي أجرب؟، دي ناس سوية وشبعانة شهرة ونجاح وفلوس مفيش أي حاجة تجبرهم يشتغلوا معايا إلا لو شايفين فيا حاجة كويسة، وفي نجوم كنت بطمح أني أعمل معاهم دويتوهات وشبه الاتفاق حصل وبعد كده رفضوا، أنا مبسوط وده إداني تحدي أكبر وهثبت لهم أنهم على غلط وأني استحق، أنا لازم أجرب، اللي مالوش قلب مالوش رزق.
وقال: ألبومي اسمه عمر كمال الرهان كسبان، وإن شاء الله يبقى رزقه من اسمه، وده كان لوني الأساسي من البداية وزمان كنت بغني للغربة وبغني لـ أبويا، كان ليا تجارب كتير في الأول ولكن منجحتش النجاح اللي كنت منتظره علشان مبقاش كداب، وأنا كل 5 سنين في حياتي لازم أسأل نفسي وصلت لـ إيه وهتعمل إيه.
واختتم: وحصل الصدفة والخير من ربنا أن دي كانت السنة الخامسة ليا في الشعبي وعايز أجدد لوني الموسيقي، وربنا كرمني بـ فرصة كويسة أني أدخل من الباب الكبير لـ عالم البوب هيتنفذ بشكل رائع فانتهزت الفرصة وأخدتها.