اليوم.. النواب يعقد جلسة عامة طارئة استجابة لطلب الرئيس السيسي
يعقد مجلس النواب، برئاسة المستشار هشام بدوي، اليوم الأحد، جلسة عامة، استجابة لدعوة الرئيس السيسي، لعقد جلسة طارئة لتفويض القوات المسلحة للدفاع عن السعودية.
وأكد الرئيس عبد الفتاح السيسي، أمس السبت أن مصر تقف بقوة لحماية أرض السعودية والدفاع عنها، قائلا: مصر مستعدة لتنفيذ أي إجراء تطلبه المملكة للدفاع عن أمنها وسيادتها.
وأضاف الرئيس السيسي، خلال كلمته فى الأكاديمية العسكرية المصرية: “اسمحوا لي إن أنا أطلب من القوات المسلحة، في اليوم اللي احنا موجودين فيه ده، إن إحنا نقدم تحية عسكرية لهم. العميد محمد، من فضلك.. التحية العسكرية لأشقائنا في الخليج، من فضلك”.
وتابع الرئيس السيسي: "أنا بقول للمصريين عشان الناس اللي بتتكلم على مواقع التواصل وتنسى، وساعات تسيء وتتكلم كلام ما يليقش أبدًا: ما تنسوش! ما تنسوش أبدًا الكلام اللي أنا بقوله.. لأن ده لو ما كانش حدث في الوقت دوت، أنا بقولكم: أنا مكنتش عارف الدولة دي كانت هتعيش تاني إزاي؟ هتجيب منين يعني؟!.
وقال الرئيس السيسي: “أنا بس عايز أقول للدنيا كلها: إحنا مبندورش على دور نعمله، لكن مش معقول أبدًا إن إحنا نسمح إن المملكة العربية السعودية يعني يتم المساس بيها أو بأمنها أو باستقرارها.. وأنا بقول وبوجّه رسالتي للجميع في الخليج لإيقاف الحرب اللي موجودة.. ولكن بغض النظر عن النداء ده أو الأمل اللي أنا بتمناه من الله سبحانه وتعالى لإطفاء نار الاقتتال ده – هيحصل أو ما يحصلش –: مصر، طبقًا لتوجيهات جلالة الملك سلمان، وتوجيهات ولي العهد محمد بن سلمان، هننفّذ أي إجراء لحمايتكم والدفاع عنكم، لحمايتكم أو الدفاع عنكم”.
واختتم: "وأنا عارف إن الموضوع ده بيتطلب من البرلمان المصري تصديق، وأرجو إن هما ينعقد البرلمان في جلسة طارئة حتى يعطينا هذا التفويض إذا طُلب منّا ذلك يعني. أنا بتكلم مش عشان نحارب حد أو نهاجم حد، إحنا بنتكلم للدفاع فقط".