«ضامن حقي في الآخرة».. رد محمود حجازي على تصريحات زوجته رنا طارق

علق الفنان محمود حجازي على بيان زوجته رنا طارق والذي اتهمته فيه بعدم الإنفاق عليها وعلى نجله منذ 5 شهور وأن سبب الخلاف بينهما امتناعها عن استكمال إجراءات الجنسية الأمريكية له.

رسالة محمود حجازي

ونشر محمود حجازي، عبر حسابه الشخصي على موقع التواصل الاجتماعي فيسبوك،:"إحنا منعرفش الخير فين وليه بيحصل كل ده أكيد ربنا ليه حكمة والحقيقة هتبان هتبان وساعتها هبقى ضامن حقي في الدنيا زي ما ضامن حقي في الآخره كفاية كدب ده أنتوا حتى بتكذبوا في الشهادة العلمية وبتقولوا دكاترة فين طيب الدكتوراة دي وهي كدبة بتحاولوا تداروا بيها عن نقصكم .. أنتم فاضيين ولا تعموا غير على أذيتي وكل من حولي".

وأضاف محمود حجازي:"مهما عملتوا مش هتنازل عن منع سفر ابني اللي أنا محروم منه ولحد دلوقتي أبويا وأمي لسه ماشفهوش خالص من ساعة ما أتولد وبقى عنده سنة ونص وبقاله في مصر 5 شهور ربنا موجود وأنا أقوي من أي حاجة عشان معايا الحق  ومهما صرفتوا من حملات عشان تدمروني مش هتعرفوا ده تعب سنين ولو عايزين تتشهروا اصبروا لسه اللي جاي هيشهركوا أكثر رغم كنت ساكت عشان خاطر أبني بس دلوقتي خلاص لازم الدنيا كلها تعرف حقيقتكم زي ما ربنا عارفها.

واستكمل محمود حجازي:"إني فوضت أمري لله “ وبجد اللي حصل ده علمني كتير أوي وشكرا لكل حد سأل عليا أو قال كلمة خير في حقي .. ولكل حد بيتكلم عن الموضوع وكأنه عايش معانا وبيأكد اتهامات من غير دليل حسبنا الله ونعمه الوكيل لقاءنا قدام ربنا.. أنا واثق في ربنا والقضاء المصري وحقي هيرجع بالقانون”.

تصريحات رنا طارق

وفي نفس السياق قالت رنا طارق، في بيان: "أنا عمري ما طلبت منه يشيل منع السفر.. وبعدين ابنه ده مش عايش معاه ولا بيصرف عليه وبقالي 5 شهور عايشة مع ابني في مكان تاني في مصر وأنا اللي بصرف على نفسي وبصرف على ابني لوحدي".

وقالت رنا طارق، في بيان، إن محمود حجازي عرض عليها إلغاء منع السفر مقابل حصوله على مبلغ مالي منها ولكنها رفضت ذلك العرض، مشيرة إلى أن سبب انتظارها في مصر الحصول على حقها منه بعد واقعة تعديه عليها بالضرب المبرح وأن موعد جلستها القادمة يوم 21 فبراير.

رنا طارق تكشف مفاجأة جديدة عن خلافها مع محمود حجازي

وكشفت رنا طارق أن السبب الأساسي للخلافات هو وقفها لإجراءات الجنسية الأمريكية ذات الخمس سنوات لحجازي والتي كادت أن تنهي إجراءاتها قبل اكتشافها لعلاقاته النسائية المتعددة مما أشعل نار الخلافات بينهما.

وبخصوص عدم رؤية أهل محمود حجازي لابنهما أكدت رنا أنها لم تمنع ابنها عنهم ولكنها رفضت أن يكون اللقاء داخل منزل العائلة لخوفها من حجازي وأن يعتدي عليها بالضرب وبخاصة أن عائلته لا تستطيع السيطرة عليه وأنها أخبرها قبل ذلك بأنه “ملوش كبير”، مضيفة أنها طلبت منهم أن يكون اللقاء داخل مكان عام لتفاجئ باختفائهم عن المشهد.