تخصص مطاوي وسنج .. نهاية عاطل "الإسكندرية" في فخ المباحث

ألقت أجهزة الأمن بالإسكندرية بالتعاون مع أجهزة الأمن العام بوزارة الداخلية، القبض على أحد الأشخاص بالإسكندرية لقيامه بترويح لبيع الأسلحة البيضاء على مواقع التواصل الاجتماعي. 

وحدة الرصد والمتابعة، رصدت منشور تم تداوله على إحدى الصفحات على مواقع التواصل الاجتماعي متضمنا قيام صاحب الصفحة بالترويج لبيع أسلحة بيضاء بالإسكندرية.

عقب تقنين الإجراءات، حددت القوات هوية  المتهمين، وألقت القبض على صاحب الصفحة المشار إليها تبني أنه عامل "له معلومات جنائية"، مقيم بنطاق محافظة الإسكندرية، وعثر بحوزته على 56 قطعة سلاح أبيض "مختلفة الأشكال والأنواع"، وبمواجهته اعترف بحيازته للمضبوطات بقصد الإتجار بها من خلال الصفحة المشار إليها.

تم اتخاذ الإجراءات القانونية، وتولت النيابة العامة التحقيق.
 من جهة أخرى، 

أدلت أسماء خبيرة الترميم بالمتحف المصري المتهمة بسرقة الأسورة الأثرية أمام جهات التحقيق بإعترافات صادمة وقالت ،  أنا شغالة في المتحف المصري في الترميمات الأثرية، وبعد انتهاء اليوم لقيت القطعة الأثرية ملقاة على الأرض ومغلفة، فأنا خدتها علشان تم الانتهاء من الجرد اليومي، ومحدش هيتأذي لو ملقيوهاش، علشان مكنوش هيكتشفوا بعد الجرد إنها ناقصة.

وأضافت بعد كده حطيتها في الشنطة بتاعتي وخرجت بيها عن طريق المغافلة، وأمن المتحف يعرفني وعارف إني شغالة في المتحف، علشان كدة مخدوش بالهم من أشعة الإكس راي، وخرجت برا، ركبت مترو ونزلت محطة السيدة زينب، ركبت توك توك ورحت لعم فهيم المتهم التاني في محل الفضة بتاعه.وأوضحت دخلت قلتله أنا عايزة أبيع حتة الدهب دي وهي بتاعة أمي وهي معايا من زمان علشان عليا أقساط وديون، فقال لي هبيعهالك، وقالي حتة الخرزة دي لازم نشيلها علشان متوزنش جرامات، فقام فهيم كسرها بالذردية ووزن الأسورة، وقالي هروح أبيعها لك في الصاغة.

راح الصاغة علشان يبيع الأسورة، وأنا فضلت مستنياه

وأكملت خبيرة الترميم بالمتحف المصري المتهمة بسرقة الأسورة الأثرية: بعدها هو نزل راح الصاغة علشان يبيع الأسورة، وأنا فضلت مستنياه في المحل بتاعه، ورجع عم فهيم إداني 160 ألف جنيه، وأنا أديته منهم 10 آلاف جنيه عمولة، ومشيت على كدة.

وسألت جهات التحقيق المتهمة الأولى عن الذي فعلته بالمبلغ الناتج عن سرقه وبيع الأسورة الأثرية، فأجابت: كان عليا أقساط ومصاريف دراسية.