"أتمنى أكون جزء لحل الأزمة المالية".. رسالة ناصر ماهر بعد رحيله لبيراميدز
وجه ناصر ماهر رسالة وداع إلى جماهير ونادي الزمالك، عقب انتقاله إلى نادي بيراميدز، خلال فترة الانتقالات الشتوية الجارية، لمدة 4 مواسم ونصف.
وجاءت رسالة ناصر ماهر عبر حسابه على انستجرام:
مش عارف أبدأ منين، لأن في حاجات مش سهلة تتقال، خصوصًا لما تكون بتتكلم لجمهور عظيم زي جماهير الزمالك داخل القارة وخارجها، اسمحوا لي أعبر عن حبي . واحترامي لكم.... والله مش مجرد كلام.
من أول يوم دخلت فيه النادي وأنا حاسس إن المكان ده فيه حاجة تتحب يمكن عشان ده كيان كبير أو عشان لاعبين كبار وشخصيات محترمة بتتحمل أكثر من أي حد أو عشان الجمهور المختلف بأجواءه ودعمه ومتعته ... بس في الآخر الكوره ممكن تخليك تسيب مكان انت بتحبه وده جزء من اللعبة ، أنا بحبكم جدا والله.
النهارده آخر يوم ليا في نادي الزمالك النادي اللي تشرفت إني ألبس التيشيرت التاريخي بتاعه، ودافعت عنه بكل إخلاص وحب… إنتوا خليتوني نجم بجد، ودائمًا بقول إن ربنا أكرمني بجمهور الزمالك.
يمكن الرحلة خلصت دلوقتى بسبب ظروف النادي الصعبة، وأتمنى أكون جزء ولو بسيط في حل الأزمة المالية، واقدر أساعد النادي لأن الزمالك كبير ويستحق إن الواحد يضحي عشانه. وبالنسبة لي، الرحلة لسه فيها فصل تاني... إمتى؟ الله أعلم بشكر كل زملائي اللاعبين الرجالة بجد في كل المواقف، وبشكر ، إدارة النادي الزمالك برئاسة الكابتن حسين لبيب.
شكراً ك احمد سليمان اللي خلاني اكون متواجد داخل نادي الزمالك وكمان بشكر الأوفياء... جمهور الزمالك العظيم، الداعم الأول للنادي
آخر حاجة هقولها : أنا دخلت النادي وقلت "أنا بحب الزمالك"، ودلوقتي وانا ماشي بقول: هفضل أحب الزمالك
ناصر ماهر يلتحق ببعثة بيراميدز في المغرب استعداداً لنهضة بركان
التحق لاعب الوسط الجديد ناصر ماهر ببعثة نادي بيراميدز في مدينة السعيدية المغربية، استعدادا لمواجهة نهضة بركان في إطار دوري أبطال أفريقيا.
ويحل بيراميدز ضيفا على نهضة بركان في التاسعة من مساء السبت المقبل على الملعب البلدي بمدينة بركان المغربية، في ثالث جولات دور المجموعات لدوري الأبطال.
وكان بيراميدز نجح في إنهاء إجراءات ضم ناصر ماهر قادما من نادي الزمالك ليكون ثاني صفقات الشتاء بعد الدولي الفلسطيني حامد حمدان.
ومن المقرر أن يشارك ناصر ماهر في تدريب بيراميدز الأول بالمغرب مساء اليوم بمدينة بركان استعدادا لمواجهة السبت الهامة.