«متعمليش فيها بتحبيها أوي كده».. شقيق شيرين عبد الوهاب يهاجم بسمة وهبة

شن محمد عبد الوهاب شقيق الفنانة شيرين هجوماً شرساً على الإعلامية بسمة وهبة بسبب استضافتها للفنان حسام حبيب في رمضان الماضي عبر برنامجها “العرافة”.

ونشر محمد عبد الوهاب، عبر حسابه الشخصي على موقع التواصل الاجتماعي فيسبوك:"الأستاذة بسمة وهبة.. ياريت حضرتك متعمليش بتحبيها أوي كده ده أنتي جيبتي طليقها مخصوص في رمضان عشان تقطعوا فيها ولما البرنامج أتوقف كنتي بتطلعي لايف من إنستجرام وتتصلي بيه و برضوا تقطعوا فيها
وأضاف محمد عبد الوهاب:"مش عيب على إعلامية كبيرة ومخضرمة زي حضرتك لما واحد زي ده يقولك أنا عالیت سعر شیرین بره مصر وأنتي تعديها عادي وهو أبعد حفلة عملها في بورتو المنيا يعني شيرين اللي وقفت علي أكبر مسارح الوطن العربي قرطاج وجرش وهلا فبراير وليالي دبي وسوق واقف واوبرا عمان ولفت معظم أوروبا وأمريكا قبل ما تشوف وشه اصلاً كان من باب المهنية تسأليه سؤال واحد جبت الخبرة دي منين عشان واحد زيك يعلي سعر أكبر مطربة في الوطن العربي يا أستاذة ده مرکبش طيارة غير مع شيرين عيب والله".

هجوم محمد عبد الوهاب على حسام حبيب

جدير بالذكر أن محمد عبد الوهاب شقيق الفنانة شيرين شن هجوماً حاداً على الفنان حسام حبيب، متهمًا إياه بتدمير حياة شقيقته.

ونشر محمد عبد الوهاب، عبر حسابه الشخصي على موقع التواصل الاجتماعي “فيسبوك”، :"كانت زي الوردة وزي الفل.. في السفرية السودا دي اشترى الدبلة.. اتجوزها بدبلة ابن الحسب والنسب.. كان يوم أسود.. دخلته علينا بالخراب والله أبويا مات بعد جوازهم بشهر.. حسبي الله ونعم الوكيل".

هجوم شقيق شيرين على نقيب المهن الموسيقية ونقيب الممثلين

كما شن محمد عبدالوهاب شقيق الفنانة شيرين عبدالوهاب هجومًا حادًا أيضاً على نقيب المهن الموسيقية ونقيب الممثلين، من خلال منشور عبر حسابه الشخصي بموقع “فيس بوك”، معربًا عن استيائه من ظهورهما الإعلامي فقط وقت الأزمات، على حد تعبيره، مطالبًا بترك شقيقته في هدوء حتى تتعافى.

وقال شقيق شيرين عبدالوهاب: “ليه حضرتكم مبتظهروش غير لما يكون في حاجة؟ وليه مش بتسألوا عليها في الأيام العادية طالما أمرها يهمكم قوي كده؟ خلاص بقى كفاية متاجرة، ارحموها”.

ووجّه شقيق شيرين عبدالوهاب رسالة مباشرة إلى الصحفيين والإعلاميين والمعدين، مطالبًا بعدم التواصل معه، مؤكدًا أنه لن يجري أي مداخلات أو حوارات خلال الفترة المقبلة، قائلاً: “كلكم عايزين ريتش وترند فقط، ليه محدش بيكتب لها كلمة حلوة والدنيا هادية من غير أزمة؟، حالتها تصعب على الكافر، ومحتاجة هدوء علشان تعرف تتعافى، وأي كلام بيتقال عنها بيأثر عليها”.

واختتم حديثه بتحذير واضح، مؤكدًا أنه تحدث باحترام، لكنه سيلجأ للقانون حال استمرار التدخلات، مضيفًا: “مفيش أي حد ليه الحق يتكلم أو يكتب عن شيرين، أيًا كانت صفته… الكلام للكل”.