ريهام سعيد تخرج عن صمتها وترد على أحمد العوضي|ما القصة؟
في حالة أثارت جدلًا واسعًا بين رواد مواقع التواصل الاجتماعي، بسبب المشادة الكلامية بين الإعلامية ريهام سعيد والفنان أحمد العوضي بعد تصريحاته بكونه الأعلى أجرًا، خرجت عن صمتها لترد على مهاجميها.
وكتبت ريهام سعيد عبر حسابها الرسمي بموقع التواصل الاجتماعي "فيس بوك": "موضوع العوضي ده بوخ والظاهر لازم أرد بفيديو عشان ما تقولوش حذفت".
ووجهت للعوضي رسالة، قائلة: "أنت فنان كبير وليك تاريخك وزي ما قدرتني واتكلمت عن أهم حلقات ليا من وجهة نظرك، أنا كمان أحب أشكر فيك وفي تاريخك الطويل.. بكره إن شاء الله الساعة 12 بليل".
القصة الكاملة لأزمة ريهام سعيد وأحمد العوضي
كانت الإعلامية ريهام سعيد، نفت، مؤخرًا، ما تداوله البعض من تصريحات على صفحتها بشأن ردها على الفنان أحمد العوضي، موضحة أنها ستقاضي كل شخص من ينسب لها أقاويل ليست على لسانها أو موثقة.
وكتبت ريهام سعيد بموقع «فيسبوك»: «ولا كتبت حاجة ولا حذفت حاجة ولا هو شاف بوستات انتوا هاتألفوا؟ ولا هارد علي ناس تافهة واللي هايكتب حرف عن لساني مش موثق بدليل هايترفع عليه قضية.. كفايه فبركة بوستات أنا لما أرد علي حد لازم اللي بيتكلم يكون ليه قيمة».
أزمة ريهام سعيد وأحمد العوضي
وكان الجمهور تداول تدوينة لريهام سعيد، ترد فيها على أحمد العوضي: «مصمم تجيب الكلام لنفسك.. عملت حلقة مع حديدة عشان ذوي الاحتياجات الخاصة نجيب حقهم ذوي الاحتياجات الخاصة جزمتهم أحسن منك أنا عملت أقوى حلقات في التاريخ لما روحت رفح العالم مش ناس بتشتريهم بالفلوس واعمل ليهم مسابقات.. عالجنا آلاف الحالات وأنت كنت بتدور على واحدة تتجوزها».
وأضافت: «كنت عايز تعيش في بيتها وأنت ولا قادر تصرف عليها ولا ولادها.. عملت منك بطل وأديتك فرص بقالك 20 سنة بتحاول تاخدها، المتابعين اللي بتشتريهم بفلوس دول أصلا عندك عشان كنت جوزها وأنت هزأت نفسك بما فيه الكفاية، أنت على كل الفشخرة الكدابة دي ورصيدك مسلسلين وأنا مثلت أكتر منك».
رد أحمد العوضي على تصريحات ريهام سعيد
وفي وقت سابق رد الفنان أحمد العوضي على تصريحات ريهام سعيد بعدما هاجمته عقب تصريحه بأنه الأعلى أجراً، قائلاً في تصريحات على هامش تكريمه من مهرجان الأفضل: «والله أنا مشوفتش اللي قالته ريهام سعيد وأنا بحبها جداً، إعلامية مهمة جداً عندها حلقات عظيمة، أستاذة ريهام مشوفتش البوست بتاعها دي إعلامية مهمة جميلة وليها حلقات جميلة وأزمتها مع كروان مشاكل أنا كنت متحيز ليها وعندها حلقة مع محمود حميدة من أقوى الحلقات اللي عملها الإعلام».
وتأتي تصريحات أحمد العوضي، رداً على ريهام سعيد بعدما نشرت عبر حسابها الشخصي على موقع التواصل الاجتماعي انستجرام، قائلة: "رد الجميل للي خلي الناس تعرفك، رد الجميل للي وقفتك، رد الجميل للي عملت لك أجر، أشكرها لأن لولاها مكنش ده حصل، ربنا جعلها سبب كبير".