أنغام تطلب من جمهورها الدعاء لـ تامر حسني
طالبت المطربة أنغام من جمهورها الدعاء للفنان تامر حسني بعد تعرضه لأزمة صحية خطيرة في الفترة الماضية، خلال حفلها أمام الأهرامات.
قالت أنغام: “عايزين ندعي لنجم مصري كبير ومهم وشاطر وناجح، وهيفضل شاطر وناجح إن شاء الله، ربنا هيلطف بيه ويوقفه على رجله، زي ما وقفني على رجلي.. عايزاكم تدعو لـ تامر حسني ويمر من الأزمة الصحية اللي بيعدي بيها”.
وتابعت أنغام: “زميلي وأخويا وصديقي ومكنش بيفوت يوم، ما يسألش عليا وأنا تعبانة، بدعيله من هنا من المكان الحلو المبارك ده، وبقوله بإذن الله هتقوم وتبقى زي الفل، أنت إنسان جميل جدًا، وفنان واعي وشاطر”.
أنغام ضمن ليالي مصر أمام الأهرامات
أحييت المطربة أنغام، أمس، حفلًا غنائيًا ضخمًا ضمن حفلات "ليالى مصر" التي أقيمت أمام الأهرامات، وبدأت الحفل بأغنية "بلدي التاريخ" والتي لاقت تفاعل كبير من الجمهور الحاضر.
وخلال الحفل طلت أنغام على جمهورها من أمام أعظم معالم الحضارة، وقدمت باقة من أروع وأشهر أغانيها التى حفرت اسمها في وجدان الجمهور العربي، وسط أجواء فنية راقية تليق بمكانتها وبقيمة الحدث.
أحدث أعمال أنغام
طرحت المطربة أنغام مؤخرًا أغنيتها الجديدة "اختلفنا فرقنا افترقنا"، بعد نجاح أغنيتها السابقة "سيبتلي قلبك" التي أطلقتها في 20 سبتمبر الماضي عبر المنصات الموسيقية المختلفة، لتكون أول أعمالها بعد تجاوز أزمتها الصحية الأخيرة، والأغنية من كلمات تامر حسين، وألحان عزيز الشافعي، وتوزيع نادر حمدي، وتصدرت أغنية اختلفنا المركز الرابع من بين الأغاني عبر موقع يوتيوب.
كلمات أغنية اختلفنا فرقنا افترقنا
إختلفنا.. عن زمان فرقنا ف افترقنا كل واحد فينا راح لحاله و اتفقنا إننا خلاص مش لبعض خلص طريقنا لا إحنا أول و لا إحنا آخر ناس بعدنا، و بتمشي الحياة .. بنعيش و بنعرف و نقابل و بنضحك نسهر و نجامل.. مفيش قصة حب بتكمل مفيش فينا ولا واحد كاملانا بس في اخر الليل بضعف اول ما ابقى لوحدي انا بعرفان انا مش هنساك بالساهل، قالوا مابتقفش على حد الحياة و انا حياتي موقفتش بس معشتش يوم زي ال عشته و انا معاك في حاجات كتير راحت خلاص مع غيرك منفعتش في نسخة مني مش بعيشها الا و انا وياك.
