«مبركبش التريند».. محمد إمام يوجه رسالة لجمهوره بعد حريق «الكينج»
وجه الفنان محمد إمام رسالة حب إلى جمهوره وزملائه من الفنانين؛ وذلك عقب الحريق الذي نشب في موقع تصوير مسلسله الجديد «الكينج» قبل أيام داخل استديوهات مصر بالهرم.
ودوّن محمد إمام، رسالة عبر مواقع التواصل الاجتماعي المختلفة جاء فيها: “عاوز أقول حاجة من قلبي.. وحقيقي مش بركب تريند ولا الحاجات دي، أنا تقريبًا كل زمايلي النجوم والنجمات وصناع الفن كلموني يطمنوا عليا بعد موضوع حريق استوديو الكينج، ده غير مسؤولين كبار في مصر والدول عربية”.
وأضاف محمد إمام في رسالته: “بجد حسيت بحب و فرحة وامتنان، بشكركم جدًا على كل الحب و الدعم ده، يارب دايمًا في ضهر بعض وبحبكم كتير جدًا”.
واختتم محمد إمام قائلًا: “قبل اي حد، بشكر كل الجمهور اللي بعتلي رسايل أو الناس اللي قابلتها وأنا بصور في الشارع وحبوا يطمنوا عليا، انتوا كل حاجة حلوة ربنا يديم المحبة ويحفظ الجميع”.
حريق استوديو مصر
وكان قد التهم حريق هائل الديكورات الخاصة بمسلسل «الكينج»، للفنان محمد إمام داخل مبنى ستوديو مصر، إذ دمر الحريق جزءًا كبيرًا من الديكور الأساسي للعمل، فيما كان فريق العمل بالكامل غير متواجد في موقع التصوي، فما قال مصدر في تصريحات خاصة لـ"إيجبتك" إن الحريق التهم ديكور الحارة الخاص بمسلسل "الكينج" بالكامل.
حريق ديكور مسلسل “الكينج”
وعلق الفنان محمد إمام على الحريق بصورة نشرها عبر “إنستجرام” قال فيها: “قدر الله وما شاء فعل، والحمد لله على كل شئ، حريق كبير في لوكيشن تصوير مسلسل الكينج في ستوديو مصر، منطقة كاملة، معمولة على أعلى مستوى، إنتاج ضخم من المنتج الكبير عبد الله أبو الفتوح، وإبداع من مهندس الديكور تامر إسماعيل ومجهود كبير من أشطر المهندسين والعمال، بس ربنا أراد اللي حصل”.
وأضاف محمد إمام: "الحمد لله فوق كل ده إن الإصابات كانت خفيفة وكل فريق العمل بخير، شكر كبير لوزارة الداخلية وقوات الدفاع المدني على مجهودهم وسط الحريق الضخم و كميات خشب ومواد سريعة الاشتعال، وشكر خاص للمنتج محمد السيد و فريقه وحوش الإنتاج اللي دخلوا جوه النار حرفيًا علشان يحاولوا ينقذوا أجهزة ومعدات وملابس ناس بتحب شغلها بجد وبتضحي بنفسها عشانه".
واختتم محمد إمام: "أخيراً شكر من كل قلبي لكل الناس والنجوم اللي كلموني واطمّنوا عليّ وعلى فريق العمل، ربنا يديم المحبة ويحفظ الجميع، اللي حصل اختبار صعب في وقت صعب، بس ثقتنا في الله كبيره و إن شاء الله مكملين، دعواتكم لينا و لكل فريق عمل مسلسل الكينج، استنونا في رمضان 2026 إن شاء الله".
