نشوى مصطفى لمروجي شائعة وفاتها: «منكم لله قلبتوا عليا المواجع»
نفت الفنانة نشوى مصطفى الشائعات التي طالتها الفترة الأخيرة من خلال منشور عبر حسابها الرسمي بموقع “فيس بوك”، مشيرة إلى أن هذه الأخبار تهدف إلى التريند فقط.
وقالت نشوى مصطفى: “الناس اللي بتاكل عيش من الشائعات، يعنى مرة إشاعة إني توفيت، ومرة إشاعة إني اتخانقت مع زميلة فشتمتها فقبضوا عليا علشان شتمتها وسجنوني في عنبر الخطيرين، آسفة في اللي هقوله، بس أي حد بيألف إشاعات أنتم ناس مش محترمين بجد”.
وأضافت نشوى مصطفى: “بطمن كل الناس اللي بتحبني أنا في بيتنا وبشرب سحلب ولابسة لكلوك وهقوم أصلي العشاء، وأدعي على الناس اللي مش محترمين بتوع الإشاعات، والفيديو اللى بظهر فيه أنا وابنى ساندني ده يوم وفاة زوجى الله يرحمه منكم لله قلبتوا عليا المواجع”.
نشوى مصطفى عن افتتاح المتحف المصري الكبير: الفرحة فرض
احتفلت الفنانة نشوى مصطفى بـ افتتاح المتحف المصري الكبير، اليوم السبت، إذ نشرت عبر حسابها على موقع التواصل الاجتماعي فيسبوك صورها لها بالزي الفرعوني، على الغرار التريند المنتشر مؤخرًا، احتفاءًا بالحضارة المصرية.
وكتبت نشوى مصطفى عبر حسابها: «حرمت على نفسى الفرحة من يوم ما زوجي اتنقل لحياته الطيبة، لكن النهاردة الفرحة فرض على كل حد بيحب مصر».
وتابعت:«وعماد كان بيعشق تراب بلدنا عماد كان معاه الجنسية الأمريكية، لكنه رفض بشكل قاطع يديها لأولادنا، وكان بيشرح لي أسبابه اللي كلها بتقول بلدنا مهما كانت ظروفها وظروفنا فيها أولى بينا».
واستكملت نشوى مصطفى مؤكدة على شعورها بالفرحة: «المهم ولأن الفرحة بتعدي، وبما أن كل المصريين فرحانين أنا كمان لأول مرة أحس إني فرحانة وأقول لنفسي لو عماد كان موجود كان حيفرح قوي، ويقعد يشرح لي أنا والأولاد المعنى والخير اللي حيكون لمصر من الحدث العظيم اللي حيحصل النهاردة».
واختتمت حديثها قائلة: «ده رزق كبير لأحفادنا ولأولادنا ربنا يفتح أبواب الخير ليكي يا بلدي ربنا يصد عنك كل شر ويحفظك ويحفظ شعبك الأصيل - وتحيا مصر بعشاق ترابها».
